Forsíðufréttir

Stjórnmálaályktun Miðflokksins – „[Miðflokkurinn] mun leggj­ast gegn sam­þykkt þriðja orku­pakka Evr­ópu­sam­bands­ins”

Stjórnmálaályktun Miðflokksins samþykkt á vetrarfundi flokksráðs 30. mars 2019 að Garðaholti í Garðabæ.

Mið­flokk­ur­inn er víð­sýnn og umbóta­sinn­aður stjórn­mála­flokk­ur. Flokk­ur­inn starfar á miðju íslenskra stjórn­mála í þágu lands og þjóð­ar. Flokk­ur­inn leggur áherslu á festu og ábyrgð og vill að málum sé far­sæl­lega ráðið til lykta á grund­velli rök­rænnar umræðu þar sem ólík sjón­ar­mið veg­ast á.

Mið­flokk­ur­inn stendur vörð um full­veldi, sjálf­stæði og auð­lindir þjóð­ar­inn­ar. Flokk­ur­inn vill treysta for­ræði þjóð­ar­innar yfir auð­lindum sínum og mun leggj­ast gegn sam­þykkt þriðja orku­pakka Evr­ópu­sam­bands­ins. Flokk­ur­inn sam­þykkir hvorki afsal á full­veldi Íslend­inga yfir orku­auð­lind­inni né fyr­ir­sjá­an­lega hækkun á raf­orku­verði hér á landi.

Mið­flokk­ur­inn vill þrótt­mikið atvinnu­líf í land­inu og vill treysta skil­yrði íslenskra atvinnu­fyr­ir­tækja í sam­keppni við erlenda keppi­nauta. Mið­flokk­ur­inn telur brýnt að stjórn­völd greiði eftir föngum fyrir kjara­samn­ing­um. Mið­flokk­ur­inn hafnar því að atvinnu­fyr­ir­tækin búi við lak­ari skatta­kjör og hærri fjár­magns­kostnað en ger­ist í nágranna­lönd­un­um. Mið­flokk­ur­inn leggur áherslu á lækkun trygg­inga­gjalds sem stendur fyr­ir­tækjum fyrir þrifum þegar kemur að fjölgun starfs­fólks, hækkun launa og fjár­fest­ingum í þágu auk­innar fram­leiðni.

Mið­flokk­ur­inn lítur á mat­væla­fram­leiðslu íslensks land­bún­aðar sem mik­il­væga fram­tíð­ar­at­vinnu­grein sem verja ber og tryggja væn­legt rekstr­ar­um­hverfi. Fjöl­breyttur og öfl­ugur land­bún­aður er nauð­syn­legur fæðu­ör­yggi þjóð­ar­innar og horn­steinn byggðar í land­inu. Horfið verði frá inn­flutn­ingi á ófrosnu kjöti og eggj­um. End­ur­skoða þarf tolla­samn­inga við Evr­ópu­sam­bandið með það að mark­miði að tryggja stöðu inn­lendrar fram­leiðslu sem oft keppir við nið­ur­greidda vöru sem er fram­leidd við óvið­un­andi skil­yrði. Herða þarf upp­runa­merk­ingar og rekj­an­leika mat­væla.

Mið­flokk­ur­inn vill að treysta und­ir­stöður sjáv­ar­út­vegs svo hann eflist enn frekar en orðið er eftir að hafa náð fram­úr­skar­andi árangri við að auka fram­leiðni í grein­inn­i.

Ferða­þjón­usta hefur borið uppi hag­vöxt und­an­farin ár sem ein mik­il­væg­asta atvinnu­grein lands­manna og er upp­spretta tekna og gjald­eyris í þjóð­ar­bú­ið. Sjálf­bær ferða­þjón­usta kallar á að virt séu þol­mörk ferða­manna­staða og að umgengni á við­kvæmum stöðum spilli ekki þeirri auð­lind sem felst í íslenskri nátt­úru.

Rík­is­stjórnin hefur enga til­burði sýnt til að koma til móts við heim­ilin með því að létta af þeim oki verð­trygg­ingar og ofur­vaxta. Rík­is­stjórnin hefur ekki reynst fáan­leg til að taka hús­næð­islið­inn út úr vísi­töl­unni enda þótt gögn runnin frá stjórn­völdum stað­festi að hann ráð­ist að fjár­hag fjöl­skyldna eins og gráð­ugt skrímsli. Mið­flokk­ur­inn vill afnema verð­trygg­ingu hér á landi. Meðan þing­meiri­hluti er ekki fyrir slíkri aðgerð vill flokk­ur­inn sækja að verð­trygg­ing­unni og þrengja mögu­leika á að hún verði áfram eyð­ing­ar­afl þegar kemur að hag heim­ila og fjöl­skyldna. Fram­lengja skal ákvæði um nýt­ingu sér­eign­ar­sparn­aðar til íbúð­ar­kaupa. Mið­flokk­ur­inn vill stokka upp fjár­mála­kerfið og taka upp fyr­ir­komu­lag við fjár­mögnun íbúða­lána eins og ger­ist og gengur í nágranna­lönd­un­um. Mið­flokk­ur­inn hafnar þeirri fyr­ir­ætlan Lands­bank­ans að reisa nýjar höf­uð­stöðvar af þeirri stærð sem raun ber vitni í stað þess að draga úr yfir­bygg­ingu og lækka kostnað í þágu við­skipta­vina bank­ans.

Íslenska þjóðin eld­ist eins og á við um nágranna­þjóð­irn­ar. Fjölgun aldr­aðra á kom­andi árum liggur fyrir í lýð­fræði­legum gögnum og spám. Við því er mik­il­vægt að bregð­ast með tím­an­legum og réttum hætti. Mið­flokk­ur­inn vill að eldri borg­arar hafi tök á að lifa mann­sæm­andi lífi. Rík­is­stjórnin hefur dauf­heyrst við kröfum um að bætur almanna­trygg­inga fylgi launa­þró­un. Hækkun frí­tekju­marks vegna atvinnu­tekna í 100 þús­und krónur gengur of skammt. Mið­flokk­ur­inn vill að atvinnu­tekjur rýri ekki líf­eyr­is­tekjur enda liggja fyrir útreikn­ingar sem ekki hafa verið bornar brigður á að slík aðgerð kosti rík­is­sjóð ekki svo mikið sem eina krónu. Mið­flokk­ur­inn telur einnig brýnt að hækka frí­tekju­mark vegna fjár­magnstekna og að fast verði tekið á skerð­ingum bóta vegna greiðslna úr líf­eyr­is­sjóðum sem grafið hefur undan til­trú á líf­eyr­is­kerf­inu og skilur aldrað lág­launa­fólk eftir jafn­sett og fólk sem ekk­ert hefur greitt í líf­eyr­is­sjóð á starfs­aldri. Mið­flokk­ur­inn vill að öldruðum sé gert kleift að búa á heim­ilum sínum en að úrræði séu fyrir hendi þegar slíks er ekki lengur kost­ur. Mið­flokk­ur­inn vill gang­ast fyrir átaki til að reisa dval­ar- og hjúkr­un­ar­heim­ili fyrir aldr­aða sem mæti þeirri þörf sem fyrir hendi er á hverjum tíma. Aldr­aðir sem skilað hafa ævi­starfi sínu eiga skilið að búa við góð kjör og öryggi.

Mið­flokk­ur­inn vill standa vörð um menn­ingu og arf­leið þjóð­ar­inn­ar.

Auglýsingar